वाल दिवसमा म्हारम्हेन्दो बाल संरक्षण समाजको विविध कार्यक्रम


 

महाभारत, महाभारत गाउँपालिकाको आर्थिक सहयोगमा म्हारम्हेन्दो बाल संरक्षण समाज नेपाल महाभारत–५, को आयोजनामा मंगलबार बिभिध कार्यक्रमका साथ राष्ट्रिय वाल दिवस कार्यक्रम २०७८ मनाईएको छ ।

महाभारत–५, चारकिल्लामा बालदिवसको अवसर पारी आयोजित कार्यक्रममा बागमती प्रदेश सभा सदस्य रत्न ढकालको प्रमुख आतिथ्यता रहेको थियो । म्हारम्हेन्दो बाल संरक्षण समाज नेपालका अध्यक्ष सुबास जिम्बाको सभापतित्वमा भएको कार्यक्रममा विशेष अतिथीहरु महाभारत गाउँपालिकाका प्रमुख प्रशासकिय अधिकृत हरिसिं बिस्ट, महाभारत गाउँपालिकाका प्रबक्ता रबिन मोक्तानको रहेको थियो ।

कार्यक्रममा विशेष आकर्षण राष्ट्रिय कलाकार सुरबिर पण्डित (दारी बा) लगाएतका कलाकारहरु रहेका थिए । गाउँपालिका भरिका ११ ओटा बिद्यालयको सहभागीता रहेकोमा ९ बिद्यालयका बालबालिकाहरुले बाल अधिकारका बिषयमा रचना बाचन गरेका थिए ।

सहभागीलाई प्रमुख अतिथिले प्रमाण पत्र बितरण र उत्कृष्ट म्हेन्दोफोले प्राबिको सडक नाटकलाई रु २ हजार नगद सस्थाका अध्यक्ष सुबास जिम्बाले बितरण गरेका थिए ।

 

 

 

प्रतिक्रिया दिनुहोस्