काठमाडौं, नेपाल केन्पो खुकुरी मार्शल आर्ट्स संघको चौथो विस्तारित बैठक काठमाडौंको ठमेलमा शनिबार बिभिन्न निर्णय गर्दै सम्पन्न भएको छ ।
नेपाल केन्पो खुकुरी मार्शल आर्ट्स संघका अध्यक्ष डा।पूर्णप्रसाद पाण्डेको अध्यक्षतामा भएको विस्तारित बैठकले नयाँ खेलकुद ऐन अन्तरगत रहेर संघलाई अघि बढाउन, विधान अपग्रेड लगायतका कार्य गरिएको र सबै प्रदेशमा दर्ता, स्विकृती लिनेलगायतका कार्य सम्पन्न गरिएको अध्यक्ष डा।पाण्डेले जानकारी गराउनु भयो ।
बैठकले नयाँ ऐन अन्तरगत संघको निर्वाचन सम्पन्न गर्न उपाध्यक्ष मानदेव हजाराको संयोजकत्वमा तयारी समिति गठन गरेको छ । साथै संघको केन्द्रिय सल्लाहकार सदस्यमा ऋतुवर्ण लामालाई मनोनित गरेको छ । त्यसैगरी रिक्त रहेको सह–कोषाध्यक्षमा हिराकाजी तामाङ र केन्द्रिय सदस्यमा विनोददेव पन्त, सुजन देवकोटा र रामचन्द्र श्रेष्ठलाई नियुक्त गर्ने निर्णय भएको प्रेस सल्लाहकार नवराज बजगाईले जानकारी दिनु भयो ।
बैठकमा नेपाल केन्पो खुकुरी मार्शल आर्ट्स संघका प्रमुख सल्लाहकार डा। चुडादेव सिंह लामा, सल्लाहकारहरु उद्धव तिमल्सिना, डम्बर प्रसाद रेग्मी, रामकृष्ण हुमागाई, तेजेन्द्र बहादुर पाण्डे, नवराज बजगाई, ऋतुवज्र लामा, उपाध्यक्ष मानदेव हजारालगायतले नेपाल केन्पो खुकुरी मार्शल आर्ट्स संघले गरेका र गर्नु पर्ने कार्यका बारेमा बोलेका थिए ।
